Magdalena Neuner
![Magdalena Neuner in Wallgau, Mai 2013](http://upload.wikimedia.org/wikipedia/commons/thumb/2/2a/Magdalena_Neuner_Panoramaweg_2013_%281%29-retouched.jpg/240px-Magdalena_Neuner_Panoramaweg_2013_%281%29-retouched.jpg)
Magdalena Neuner (* 9. Februar 1987 in Garmisch-Partenkirchen, börgerlich Magdalena Holzer) is en ehmalge düütsche Biathletin.
Tüschen hör Debüt in' Weltcup 2006 un dat Karriereenn' 2012 hett Magdalena Neuner 34 Eenzelrennen in' Biathlon-Weltcup, dreemal den Gesamtweltcup un söben Disziplinenweltcups wunnen. Mit all tosommen 63 Podiumsplatzeeren hörrt se to de spoodriekst Sportlerinnen in de Historie vun den Weltcup. Bi Biathlon-Weltmeesterschapen is se mit twalf Goldmedaillen Rekordtiteldrägerin un stunn insgesamt 17 Mal up dat Podium. 2010 wurr se bi de Olympisch Winterspelen in Vancouver Düppelolympiasiegerin un eenmal Tweete. Neuner gull wiels hör Karriere as en vun de Langlöperinen in' Biathlonsport. För hör Leistungen wurr se 2007, 2011 un 2012 as Sportlerin vun dat Johr uttekent.
Herkunft, Kindheit un Privatleven[ännern | Bornkood ännern]
Magdalena Neuner is dat tweetöldste vun veer Kinner vun den Bankangestellten Paul Neuner un sien Ehfru Margit.[1] De wietvertwiegt Familie leevt in Wallgau, en oberbayerisch Gemeend vun den Landkreis Garmisch-Partenkirchen in dat Bövere Isardal mit etwa 1400 Einwohnern. 1991 pusseer Magdalena för Fotos in en Warfprospekt vun den örtlichen Frömdenverkehrsverband, as de Tourismus nah de düütsch Weddervereenigen ok in dat Werdenfelser Land tonehm.[2] De vörherrschen Konfession in süddüütsch Regionen entsprekend, is Neuner in en dör den kathoolsch Glooven präägt Umfeld upwussen. De Karkenbesöök an' Weekenenn' stunnen ebenso up dat Programm as ok de regelmatig Deelnahm an kulturellen Veranstaltungen to de lokalen Bruukdomspleeg. Doröver herut verbroch se as Kind tosommen mit hör söss Maand jünger Cousin Albert Neuner völ Tiet in de free Natuur. Se stunn all in dat Öller vun veer Johren up Alpinski. Dornah speel se en Tiet lang Tennis un hett an de Siet vun hör Moder de glieks bi liggen Loipen för Skilanglooptouren bruukt.[3]
Ok hör musikaalsch Neegen is vun familiär Oorsprung. De Vater dirigeer de oortsansässige Blaasmusikkapell un hett as de jüngere Bröer dat Speel vun den Flögelhorn lehrt. De öllere Bröer is Liddmaat vun de Volksmusikgrupp Die 3-einigen Musikanten, wiels de Cousin mit de Punkband Beeswax uptreeden deiht.[4] Neuner sülvst speel anfang Blockflööt un later Harp, de bit hüüd to besünner Anlaaten to'n Insatz kummt. In den wiederen Karriereverloop wurr de Harp neben dat Hobby Stricken to'n Klischee bi de journalistisch Berichterstattung över dat Privatleven un hett hör Image nahhollend beinfloot.[5]
Van 1993 bit 1997 hett Neuner de öörtlich Grundschool besöcht. Ok dor wies se en Vörleev för Sport, Musik un Handarbeiten.[6] Nah de veert Klass wessel se in de Orienteerensstuuf vun de Deelhööftschool I in dat dicht bi liggen Krün un 1999 up de St.-Irmengard-Realschool in hör Gebortsoort Garmisch-Partenkirchen. Ofschons de Leistungen up de School goot weern, weern up de anner Siet de to dissen Tietpunkt völverspreken sportlich Utsichten maatgevnd för de Entscheeden gegen Gymnasium und Abitur. De Rektorin vun de ünner karklich Verwalten stahn Realschool hett Neuner en hooch soziale Kompetenz un Empathie beschienigt.[7] Mit 16 Johren hett Neuner 2003 de Schoolutbillen mit den mittleren Schoolafsluss beend, um sück af denn up hör Karriere as Leistungssportlerin to konzentreeren.
Siet Harvst 2009 is Neuner mit den meest glieköllerigen Timmermannmeester Josef Holzer (* 12. Februar 1987) tosommen.[8] An' 29. März 2014 funn de standesamtliche Trooung in Wallgau statt.[9] Neuner nehm den börgerlichen Nahnaam vun hör Mann an, behull aber in de Apenlichkeit hör Gebortsnaam. An' 30. Mai 2014 keem in Garmisch-Partenkirchen de gemeensam Dochter to Welt.[10] An' 7. November 2016 wurr hör Söhn boren.
Karriere[ännern | Bornkood ännern]
Anfänge (1996 bit 2003)[ännern | Bornkood ännern]
Neuner is siet hör Liddmaat in den Heimatvereen SC Wallgau, de to'n Skigo Werdenfels as regional Tosommensluss un dormit to'n Bayerischen Skiverband hörrt. 1996 wurr Anneliese Holzer – en Cousine vun Neuner hör Vader Paul – beupdragt, en eegen Biathlon-Trainingsgruppe in't Leven to ropen. De Weltmeesterschapen in' Februar vun dat Johr mit 90.000 Tokiekers in de Ruhpoldinger Chiemgau-Arena wiesen, dat de upstreeven Wintersportoort vun dat düütsch Publikum annommen wurr.[11] Holzer fier Anfang vun de 1990er-Johren natschonale Erfolge un reck bi de Düütsch Biathlon-Meesterschapen 1993 gemeensam mit Uschi Disl un Martina Seidl (borene Zellner) in de bayerisch Staffel den tweeten Platz.</ref>[12] Dor wurr denn ok Magdalena Neuner letztlich opdeckt, de dorto ok noch Gefallen an dissen Sport fun un von 1999 bis 2002 veer Johr lang den Schölercup winnen kunn. An' 1. August 2003 wurr se in dat Toll-Ski-Team, en Sportfördergrupp vun dat Bundsfinanzministerium upnommen un hett dor ok hör Utbillen as Erste Zollhauptwachtmeisterin afslooten.[13] Nah den Afsluss vun hör sportlich Loopbahn wurr se to'n Anlaat vun en Dag vun de apen Döör vun de Bundsregeeren in Berlin an' 18. August 2012 vun Bundsfinanzminister Wolfgang Schäuble ut den Staatsdeenst verafscheed.[14]
Nah eegen Angaven weern den sweedsch Biathletin Magdalena Forsberg as ok de Mannschapskollegin Martina Beck (borene Glagow) de sportlich Vörbiller vun Neuner.
Erfolge as Juniorin un Weltcupdebüt (2003 bit 2006)[ännern | Bornkood ännern]
![](http://upload.wikimedia.org/wikipedia/commons/thumb/8/86/Magdalena_Neuner.jpg/220px-Magdalena_Neuner.jpg)
Noh as Jugendliche klassifizeert, wunn Neuner Midden Dezember 2003 bi den Düütschlandpokal in Martell all dree Rennen un schaff dormit de Leistungsnorm vun de Juniorinnen.[15] Remo Krug, dormals Trainer vun den Perspektivkader, hett hör dormals för den C2-Kader in' Europacup vun de Juniorinnen beropen. Een Week later hett se in Obertilliach hör eerst Europacuprennen bestreeden. Nah Platz 11 in' Sprint un Platz 14 in' Einzel gelungen hör in Brusson un Méribel veer Siege un en tweet Platz, mit de se sück för de Juniorenweltmeesterschaften Enn' Januar 2004 in Haute-Maurienne qualifizeeren dee. Dor hett se sück mit tweemal Gold un eenmal Sülver eerstmals mit internatschonalen Titelkämpen dörsett un leet Sportlerinnen as Jekaterina Jurjewa un Helena Ekholm (borene Jonsson) achter sück, de wenig Johren dornah ok to hör Konkurrentinnen in' Weltcup wurrn sullen.
De Leistungen ut dat Debütjohr kunn se in de dorupfolgen Juniorenweltmeesterschapen 2005 in Kontiolahti un 2006 in Presque Isle mit insgesamt dree wiederen Gold- un Sülvermedaillen bestätigen. Miden September 2005 is se eerstmals bi Düütsch Meesterschapen antreden un reck as best Eenzelergevnis Platz acht in de Verfolgung. Bi de in' Sömmer up Rullski utdragen Wettbewarfen wunn se ok de dree Folgejohren kien Titel up natschonaler Ebene.
Nahdem Neuner in' Europacup vun de Juniorinnen 2004/05 blots dree Rennen mitmaaken dee, wessel se för de Europacupsaison 2005/06 to de Seniorinnen. In' Dezember 2005 keem se in fiev vun söss Wettbewarfen ünner de best teihn un wunn in Rosenau beid Rennen. Hör eersten Weltcupupträe harr Neuner ebenfalls in de Saison 2005/06. Nah den eerst Erfolgen in' Europacup wull Bundstrainer Uwe Müßiggang hör all twee Johr fröher in' Weltcup starten laaten; hör Öllern as ok de Nahwussbeupdragte vun den Werdenfelser Skigo hemm aber noch Bedenken harrt.[16] Verleep hör Debüt an' 13. Januar 2006 mit Platz 41 bi den Sprint in Ruhpolding as Ersatz för de besehrte Uschi Disl noch enttäuschend,[17] so reck se acht Daag later bi de Verfolgung vun Antholz den elften Platz. Wenig Week dornah keem se bi dat Sprintrennen in Kontiolahti an' 16. März 2006 sogor up den veerten Platz. Tovör harr se bi hör eenzig Biathlon-Europameesterschap in dat bayerische Langdorf trotz en Verkollen Bronze mit de Staffel, wunn hör letzt Europacuprennen in Martell un keem trotz söben utlaaten Wettbewarfen in de Gesamtwertung up Rang söss.
Mehrfack Weltmeesterin (2006/07)[ännern | Bornkood ännern]
In hör eersten Weltcupsaison blots af un to insett, hörr Neuner bi den Biathlon-Weltcup 2006/07 to de sett Starterinnen in de düütsch Mannschap. Insbesünnere hör Qualitäten in't Loopen brochen hör immer weer vördere Platzeeren, all as 19-Johrige bestimm se de Looptieden in Weltcup mit.[18] An' 5. Januar 2007 schaff se bi den Sprint in Oberhof den eersten Weltcupsieg, 17 Sekunn vör hör Teamkollegin Andrea Henkel. Bi twee Fehler in't Scheeten geev eenmal mehr de Loopleistung den Utslag: Se nehm de Gesamtdarten Martina Beck in de Spoor een Minüüt un 17 Sekunn af, Henkel harr as Tweeten in't Loopen en Rückstand vun 34 Sekunn. In dat Vörfeld vun dat twee Daag dorna stattfinden Verfolgensrennen ünnerleep hör aber en Fehler: Se harr vör den Start vergeeten, dat bi dat Inscheeten bruukt loos Magazin weer mit Patronen uptofüllen, un muss bi den eersten Leegendanslag up en Ersatzmagazin torüchgriepen.[19] Trotz de dorut resulteeren Probleme hett se sück denn mit Platz dree en wiederen Podestplatz erkämpt.
Nah beständig Leistungen bi de nahfolgen Weltcups in Ruhpolding un Pokljuka wurr Neuner Midden Januar 2007 vun Bundestrainer Uwe Müßiggang för de Weltmeesterschapen 2007 in dat italieensch Antholz nomineert. Bi de Juniorenweltmeesterschapen is se dorum trotz Startberechtigung wegen terminlich Översnieden nich an. Gliek de eerste WM-Entscheeden weer de nächste sportliche Hööchpunkt vun hör noch jung Karriere. An' 3. Februar wunn se as Neeling den Weltmeestertitel in' Sprint; to dissen Tietpunkt weer dat eerst hör tweet Weltcupsieg. De Vörsprung up de tweetplatzeert sweedsch Löperin Anna Carin Zidek (borene Olofsson) bedroog 2,3 Sekunn bi dat glieker Scheetergevnis mit twee Fehler. Neuner hett hör um 14 Sekunn schlechtere Looptiet bi dit Rennen dör flinkere Scheettieden utgleeken. Blots een Dag later hett se sück ok noch den Titel in dat Verfolgungsrennen vör Linda Grubben un Olofsson haalt. Nah en 14. Platz in' Massenstart seker se sück to'n Afsluss vun de WM tosommen mit Martina Beck, Andrea Henkel un Kati Wilhelm in de Staffel hör darte Goldmedaille. Se wurr dormit de spoodriekste Sportlerin bi disse Weltmeesterschapen un de to dissen Tietpunkt jüngste Dreefackweltmeesterin. Jüngste düütsch Weltmeesterin bleev Petra Behle, de 1988 in Chamonix – twee Maand nah hör 19. Gebortsdag – Gold in' Sprint wunn.
To dat Saisonenn' hett Neuner hör Erfolgsserie mit veer Siegen bi de Weltcuprennen an' Holmenkollbakken in Oslo un in Chanty-Mansijsk fortsett. Binnerhalv vun en kört Tiet wurr se to'n Shooting Star vun den Wintersport in Düütschland un wurr vun de Medien as ok tallriek Sponsoren umworben.[17] Se kreeg in dat Johr mehrere Utteknungen un wurr in' Dezember 2007 Sportlerin vun dat Johr.
Gesamtweltcupsiegerin (2007/08)[ännern | Bornkood ännern]
![](http://upload.wikimedia.org/wikipedia/commons/thumb/0/0a/Neuner-Oslo08-1.jpg/170px-Neuner-Oslo08-1.jpg)
In' Biathlon-Weltcup 2007/08 kunn Neuner an de Erfolge vun dat Vörjohr anknütten. des Vorjahres an. Nah verhollen Saisonbeginn bi de eerst twee Weltcupstatschonen wies hör Leistungskurve mit Platz dree in' Sprint un den Sieg mit de Staffel Midden Dezember 2007 in Pokljuka stetig na baben. Bi den Heimweltcup in Oberhof wurr se an' 5. Januar 2008 in dat Sprintrennen tonächst dart un wunn an den nächsten Dag den Massenstart. Een Week later weer weer se in Ruhpolding an en wiederen Spood vun de Staffel bedeeligt. Enn' Januar 2008 nehm Neuner kört vör hör 21. Gebortsdag in Ruhpolding to'n letzten Mal an Juniorenweltmeesterschapen deel un hull de Konkurrenz mit Goldmedaillen bi den Sprint un in de Verfolgung up Distanz. Up en Insatz bi den afsluuten Eenzelwettkamp hett se denn verzicht, um sück gemeensam mit de Mannschap up de bevörstahn Titelkämpen in dat sweedsch Östersund vörtobereiten.
In de eerst beid Rennen bi de Weltmeesterschapen 2008 hemm Fehler bi dat Scheeten en beter Ergevnis verhinnert. Nah Platz 17 in' Sprint hett sück Neuner in de Verfolgung stiegert, keem aber wegen den grooten Rückstand ut den Vördag nich över Platz 6 herut. Up eegen Wunsch[20] wurr se eerstmal in de Mixed-Staffel insett un legg mit en meest fehlerfree Leistung den Grundsteen to de eerste Goldmedaille för Düütschland in disse Disziplin. Bi den ansluuten Massenstart leefer se sück in de letzte Runn en Duell mit Tora Berger un kunn sück kört vör dat Teel noch um wenig Sekunn afsetten. Den Slusspunkt vun hör tweet WM sett se dör en soliden Loop in de spoodriek Staffel un kunn so de Bilanz mit all tosommen dree Titeln vun dat Vörjohr wedderhaalen.
De goot Form ut Östersund kunn Neuner för de nahfolgen Weltcups in Asien bibehollen. In dat süüdkoreaansch Pyeongchang, wo eerstmals en Biathlon-Weltcup utdragen wurr, fier se in dat Sprintrennen mit hör ezihnten Weltcupsieg en lütt Jubiläum. Bi de ansluuten Verfolgung is se as Führende kört nah den Start in de falsche Richtung afbagen un harr swoor dormit to doon, sück up den in' Vergliek to'n Sprint ännert Streckenverloop intostellen. Bi dit Missgeschick verlor se etwa 20 Sekunn un wurr vun de glieks achter hör starten Sandrine Bailly överhaalt. Neuner keem up den sössten Platz hull aber den Afstand to hör hartste Konkurrentin um den Gesamtweltcup noch in Grenzen.[21] In Chanty-Mansijsk seker sück Neuner in dat vörletzt Massenstartrennen mit en tweeten Platz vör de Tiet de lütt Kristallkugel för den Weltcup in disse Disziplin. Nah den Gewinn vun de tweet Trophäe för den Disziplinenweltcup in' Sprint bi dat Saisonfinale in Oslo övernehm se to'n eersten Mal in hör Loopbahn dat geel Trikot vun de Gesamtweltcupführenden. In den afsluuten Massenstart kröön se de Saison mit den Sieg in' Gesamtweltcup as jüngste Titeldrägerin siet Grünnen vun de IBU in dat Johr 1993.Vörlaag:FN
Fastsetten in de Weltspitze (2008/09)[ännern | Bornkood ännern]
![](http://upload.wikimedia.org/wikipedia/commons/thumb/3/3f/Neuner-_Trondheim09_-1.jpg/220px-Neuner-_Trondheim09_-1.jpg)
Neuner hör Vörbereiten up de Saison 2008/09 leep wegen krankheitsbedingten Trainingsutfällen nich goot an. Dör en bakterielle Infektschoon un de dormit verbunnen Innahm vun Antibiotika muss se wenig Week vör den Weltcupuptakt up den wichtigen Kaderlehrgang in dat finnisch Muonio verzichten un fung later mit de intensiv Trainingsphase.[22] Wegen de dörwussen Vörbereiten harr Neuner to Anfang vun de Saison nich de ut de Johren tovör wähnt konditschonelle Verfaaten. Dorto keemen emotschonale Erschöpfungstostännen as Folgen vun den steegen Verwachtensdruck un tallriek butersportlich Plichten.[23]
En verbeetert Scheeten broch hör aber denn doch all in de beid eerst Rennen vun de Weltcupsaison Podiumsplatzeeren, jewiels en darten Platz in' Einzel un Sprint von Östersund. Bi den tweeten Weltcup in Hochfilzen geev dat wegen schlecht Scheetergevnisse aber en Leistungsabfall. Dat führ denn ok dorto, dat se vörövergahnd kien Platz in de Staffel mehr kreeg, hett denn up de anner Siet aber mit en söbenten Platz in dat Eenzel vun de dart Weltcup dat root Trikot vun de Disziplinführenden övernommen. Nah de Wiehnachtspaus weer de Loopform in de beid Heimweltcups vun Oberhof un Ruhpolding stark verbeetert. In Ruhpolding wunn Neuner all dree utdragen Rennen. Nahdem se to'n eersten Mal as Slusslöperin vun de siegriek Fruenstaffel insett wurr, hett se sück gegen hör Teamkollegin Kati Wilhelm sowohl in' Sprint as ok in de Verfolgung dörsett. In Antholz verhinner en schlecht Stahnscheeten in all dree Rennen en vördere Platzeeren. Insbesünnere de Massenstart gung mit en Rückslag to Enn': Nah fehlerfree Vorstellungen in de eersten dree Scheetinlagen verfehl se in Führung liggend all fiev Schieven un full up Platz söben torüch.
To'n Uptakt vun de Weltmeesterschapen 2009 in Pyeongchang reck Neuner Platz acht in' Sprint un Platz elf in de Verfolgung. Nahdem se bi dat Eenzel togunsten vun [[Kathrin Lang|Katrin Hitzer pauseeren muss[24], weer ok en Insatz in de Mixed-Staffel wegen en licht Verkollen nich mögelk. De Erfolgsgeschichte vun de beid Vörjohren kunn se dormit nich nochmal schaffen. Allerdings kunn se mit de Staffel to'n Afsluss vun de WM noch de Sülvermedaille recken. Mit en veerten Platz in dat letzt Eenzelrennen vun de Saison in den kanaadschen Whistler Olympic Park seker sück Neuner eerstmals den Weltcup in disse Disziplin un belegg in den dorupfolgen Sprint noch den tweeten Platz. In Trondheim hett se weer schlecht schaaten, un ok, wenn se sück bi dat Weltcupfinale in Chanty-Mansijsk weer stiegern kunn (mit en Sieg in de Verfolgung), keem se in den Gesamtweltcup an' Enn' blots up Platz 4.
Düppelolympiasiegerin un tweet Gesamtweltcupsieg (2009/10)[ännern | Bornkood ännern]
![](http://upload.wikimedia.org/wikipedia/commons/thumb/5/51/Magdalena_Neuner_Vancouver_2010.jpg/170px-Magdalena_Neuner_Vancouver_2010.jpg)
Wiels dat Upbautrining in' Sömmer nehm Neuner in' September 2009 sowohl an de Düütsch Meesterschapen as ok an de in Düütschland eerstmals utdragen Weltmeesterschapen in' Sömmerbiathlon deel. Nahdem se all bi de natschonalen Titelkämpen de eerst beid Erfolge vun hör Karriere mit de bayerisch Staffel un in' Massenstart harr, wunn se bi de WM in Oberhof mit de Mixed-Staffel, den Sprint un de Verfolgung all dree Rollski-Wettbewarfen.
Wegen en grippalen Infekt, den se sück kört vör den Saisonuftakt wiels den Trainingslehrgang totrucken harr, muss Neuner den eersten Weltcup vun de Saison 2009/10 in Östersund utlaaten.[25] In Hochfilzen führ de Trainingsrückstand noch to Platzeeren in't Mideelfeld, aber mit verbeetert Loop- un Scheetleistung gelungen hör bi de darte Weltcupstatschoon in Pokljuka de eersten Podestplatzen in de Saison. Rang dree in' Sprint un de dormit erfüllt teaminternen Qualifikatschoonsnorm för de Olympisch Winterspelen folg Platz twee in de Verfolgung. Nah den Johreswessel truck se sück en Besehren an hör Rügg bi dat Upwarmen stuff vör dat Sprintrennen in Oberhof to un muss vör de Tiet afreisen.[26] Wiels Neuner een Week later in Ruhpolding in' Sprint un Massenstart jewiels Platz dree recken dee, wies se mit twee Straafrunnen bi hör Staffeldebüt Probleme an den Scheetstand. Hör to dissen Tietpunkt best Saisonleistung leefer se bi den sössten Weltcup in Antholz af. För de beid Siege in' Eenzel un Sprint as ok Rang twee in de Verfolgung hemm weer de goot Loopbesttieden den Utslag geven. De Uptakterfolg in dat Eenzel weer togliek hör eerste Weltcupsieg in disse Disziplin.
![](http://upload.wikimedia.org/wikipedia/commons/thumb/3/3b/Neuner-Vancouver-MedalCeremony-cropped.jpg/170px-Neuner-Vancouver-MedalCeremony-cropped.jpg)
Bi hör eerst olympischen Wettkamp in' Whistler Olympic Park wunn Neuner an' 13. Februar 2010 mit en Rückstand vun 1,5 Sekunn achter de Siegerin Anastasiya Kuzmina de Sülvermedaille in' Sprint. Dree Daag later wurr se Olympiasiegerin in de Verfolgung. Mit disse Goldmedaille övernehm Düütschland as spoodriekste Natschoon bi Olympisch Winterspelen den eersten Platz in den ewigen Medaillenspegel vör Russland.[27] Nah Platz teihn in' Eenzel wurr Neuner an' 21. Februar 2010 in' Massenstart weer Olympiasiegerin un övernehm dat geel Trikot vun de bit dorhen in den Gesamtweltcup führen Helena Jonsson. Nah den Sieg hett Neuner den Verzicht up den Start in de Biathlonstaffel verklort.[28] All Midden November 2009 harr Bundstrainer Jochen Behle vör den Achtergrund vun dörwussen Leistungen vun de Spezialistinnen to Saisonanfang[29] anspraaken Neuner in de olympisch Skilangloopstaffel uptostellen.[30] Bi den Gewinn vun de Sülvermedaille ünner Bedeeligung vun de ebenfalls loopstarken Biathletin un Langlöperin Miriam Gössner keem Neuner nich to'n Insatz.
Nah en vun Presseterminen kenntekent Wettkamppaus mell sück Neuner mit konstant goot Leistungen torüch. In Kontiolahti hett se den Rückstand in de Mixed-Staffel um fast een Minüüt un leeg somit de Basis för den an' Enn' tweeten Platz achter de Staffel vun Norwegen. In dat geel Trikot vun de Gesamtweltcupführenden reck Neuner een Dag later in dat Sprintrennen trotz twee Scheetfehler Platz 5 bi den eersten Weltcupsieg vun de Wittrussin Darja Domratschawa. Mit Rang twee in de Verfolgung kunn se hör Vörsprung tegenöver Helena Jonsson in de Gesamtwertung utbauen un seker sück all vör dat letzt Verfolgungsrennen vun de Saison den Sieg in de Disziplinenwertung. Mit disse Trophäe hett Neuner hör Erfolgsbilanz in' Weltcup kumplett maakt. De Dreefackerfolg vun Teamkollegin Simone Hauswald in Oslo hett denn vör de letzte Weltcupstatschoon en Tweekamp um de Gesamtwertung inleidt. Dör den fievten Saisonsieg bi dat finale Massenstartrennen in Chanty-Mansijsk kunn Neuner as eerste Düütsche den Spood in den Gesamtweltcup wedderhalen un wunn todem de tweete Disziplinenwertung.[31] Een Dag drup fier se to'n Afsluss vun hör spoodriekste Saison bi de Biathlon-Mixed-Staffel-Weltmeesterschap Tosommen mit Simone Hauswald, Simon Schempp und Arnd Peiffer hör söbente Goldmedaille bi Weltmeesterschapen.
Rekordhollerin bi Weltmeesterschapen (2010/11)[ännern | Bornkood ännern]
![](http://upload.wikimedia.org/wikipedia/commons/thumb/1/1d/Magdalena_Neuner_Wallgau_2011.jpg/170px-Magdalena_Neuner_Wallgau_2011.jpg)
Nah dat Karriereenn' vun Kati Wilhelm wurr Neuner gemeensam mit Andrea Henkel nee Mannschaftssprekerinn.[32] Bi de Düütsch Meesterschapen in' Biathlon 2010 in Oberhof wunn se in' September 2010 achter de buter Konkurrenz starten Swiezerin Selina Gasparin hör eersten natschonalen Titel in' Eenzel. Tosommen mit Michael Greis un Andreas Birnbacher weer se ok in de bayerisch Mixed-Staffel spoodriek.
Wegen en Verkollen weer Neuner as in dat Vörjohr ok bi den Uptakt in de Saison 2010/11 in Östersund weer nich mit dorbi.[33] In Hochfilzen mell se sück nah överstahn Krankheit mit twee söbenten Platzen in Sprint un Verfolgung torüch. Nah de Rücktraen vun Kati Wilhelm, Martina Beck un Simone Hauswald führ se buterdem de mit Kathrin Lang, Sabrina Buchholz un Andrea Henkel nee formeert Fruenstaffel up den eersten Platz. In dat Sprintrennen vun Pokljuka schaff se trotz twee Scheetfehler hör eersten Saisonieg un to glieker Tiet den 20. Eenzelspood in hör Weltcuploopbahn. In dat nee Johr keemen twee wiedere Podiumsplatzen bi de Sprints in Oberhof un Ruhpolding dorto. Mit Platz 16 in dat Eenzelrennen in Ruhpolding gung Neuner hör Reeg vun 29 upnannerfolgen Top-Ten-Platzeeren in' Weltcup – dorünner 18 Podestränge –, de se siet den Sprint in Pokljuka an' 19. Dezember 2009 reck harr, to Enn. En Infekt dwung Neuner denn weer to en Paus bi de eerst beid Wettkämpen vun den sössten Weltcup in Antholz. Bi den afsluuten Massenstart keem se up Platz söss.
En stabile Loopform as ok en verbeetert Scheeten hemm in' Februar 2011 bi de twee Weltcupstatschonen in den Vereenigten Staaten för wiedere Podestplätze sörgt. In Presque Isle weer Neuner mit Kathrin Lang, Alexander Wolf un Daniel Böhm in dat letzt Mixed-Staffelrennen vör de Weltmeesterschapen spoodriek. In de Verfolgung verbeeter se sück bi swoor Windverhältnissen an' Scheetstand nah Platz söss in' Sprint up Rang veer. Een Week later leep se in Fort Kent bi all dree Wettkämpen up dat Podium un reck in' Massenstart mit blots een Scheetfehler den tweeten Saisonsieg.
Bi de Biathlon-Weltmeesterschapen 2011 in Chanty-Mansijsk hett Neuner Medaillen in fiev vun de söss utdragen Wettbewarfen wunnen. To'n Uptakt belegg se mit de Mixed-Staffel den tweeten Platz un wurr in' Sprint nah fehlerfree Scheetleistung weer Weltmeesterin. In de Verfolgung verpass se in Führung liggend mit twee Scheetfelern bi den letzten Anslag en wiederen Sieg un muss sück de Finnin Kaisa Mäkäräinen slahn geven. Nah Rang fiev in' Eenzel wurr se mit den Titel in' Massenstart spoodriekste düütsch WM-Deelnehmerin vör Petra Behle.[34] Een Dag later wunn se mit de Staffel hör teihnte Goldmedaille un hett dormit de Russin Jelena Golowina as Rekordhollerin bi Weltmeesterschapen aflööst.[35]
Mit hör fievt Eenzelsieg vun de Saison bi dat letzt Sprintrennen in Oslo wunn Neuner to'n tweeten Mal in hör Loopbahn de Wertung in disse Disziplin. Twee Daag dornah muss se mit de Verfolgung den insgesamt fievten Eenzelwettkamp vun de Saison ut Krankheitsgrünnen afseggen. Dormit kunn se denn ok nich mehr in de Kamp um den Gesamtweltcup ingripen, nahdem de Rückstand up de latere Gesamtweltcupsiegerin Kaisa Mäkäräinen tüschendör blots noch 22 Punkte bedragen un de IBU de Striekresultate afschafft harr. Vun de Verkollen noch wat swaak, hett dat denn ok in' Massenstart mit de achtbeste Looptiet nich reckt, de Führung in dissen Disziplinenweltcup to hollen. Neuner wurr vun Darja Domratschawa um acht Punkte up Distanz hollen un reck Rang fiev in den Gesamtweltcup.
Dart Gesamtweltcupsieg (2011/12)[ännern | Bornkood ännern]
![](http://upload.wikimedia.org/wikipedia/commons/thumb/7/76/Magdalena_Neuner_Kaisa_M%C3%A4k%C3%A4r%C3%A4inen_Kontiolahti_2012.jpg/220px-Magdalena_Neuner_Kaisa_M%C3%A4k%C3%A4r%C3%A4inen_Kontiolahti_2012.jpg)
Bi de Düütsch Biathlon-Meesterschapen 2011 in Langdorf un Ruhpolding leeg Neuner mit Sprint, Verfolgung un Massenstart in dree vun veer Eenzelrennen vörn un belegg an de Siet vun hör Trainingspartnerin Miriam Gössner as ok de Förderkaderathletin Christina Maierhofer mit de bayerischen Staffel Rang dree. En wiederen Titel reck se gemeensam mit Florian Graf un Daniel Graf in de Mixed-Staffel. Mit 101 vun 120 mögelk Punkten wunn se to'n eersten Mal de afsluuten Pokalwertung vör Tina Bachmann un Nadine Horchler.
Nah de krankheitsbedingten Utfällen ut de Vörjohren gung Neuner bi de Saisonvörbereiten eegen Weeg un is nich to dat traditschonelle Mannschapslager in Muonio mitreist.[36] Dat individuelle Training in de Skisporthall Oberhof as ok in Obertilliach maak sück all to'n Saisonuptakt in Östersund betallt. Mit en Sieg un twee darten Platzen gelung hör de beste Start in hör Loopbahn in en Weltcupsaison. In dat Sprintrennen fier se den 25. Eenzelerfolg un övernehm to en fröhen Saisontietpunkt dat geel Trikot in de Gesamtwertung.
An' 6. Dezember 2011 hett Neuner up hör Websteed den Rückträe vun den aktiven Biathlonsport to'n Enn vun de Saison ankünnigt.[37] Een Dag later hett se bi en Pressekonferenz in dat öösterrieksch Leogang vör den tweeten Weltcup in dat dicht bi liggen Hochfilzen dorleggt. De Wahl vun de för Leistungssportler wenig begäng fröhen Tietpunkt hett se mit Motivatschonsproblemen un den Wunsch to en Rückkehr in de Normalität begrünnd, aber ok seggt, dat Familienplanung för hör en Thema weer.
Bi den tweeten Weltcup hett Neuner de Führung in de Gesamtwertung mit hör tweeten Saisonsieg in' Sprint un Platz dree in de ansluuten Verfolgung utbaut. As Slusslöperin vun de düütsch Staffel belegg se tosommen mit Franziska Hildebrand, Andrea Henkel un Tina Bachmann Rang söss. Wiels den darten Weltcup, de wegen Schneemangels vun Annecy ok nah Hochfilzen verleggt wurrn weer, hett Neuner kein wiederen Podestplatz reckt. Vör de Wettkamppaus hett se aber liekers dat geel Trikot vun de Gesamtweltcupführenden verteidigt.
Nah den Johreswechsel behull Neuner hör stabil Form. Wiels se in Oberhof beid Eenzelrennen up hör Naam schrieven kunn, hett se as Slusslöperin vun de düütsch Staffel bi den letzten Anslag mit veer Scheetfehlern den mögelken Sieg vergeven. Ganz böös leep dat för hör bi de ansluuten Weltcuppremiere in dat tschechisch Nové Město na Moravě. In Führung liggend hett se eerstmals in hör Loopbahn ut Versehns up de Schieven vun de Nahberbahn schaaten – en so nömmt „Crossfire“ – un full in de Verfolgung nah veer tosätzlich Straafrunnen up Rang söben torüch. Nah de Platzen een un dree bi Sprint un Massenstart vun Antholz gelung Neuner in Oslo de tweete Düppelerfolg vun de Saison. Dör den Triumph in de Verfolgung hett se sück doröver herut mit nu 31 Weltcupsiegen in de Bestenlist vörbi an Uschi Disl un achter de sweedsch Biathletin Magdalena Forsberg up Platz 2 sett. An dat afsluuten Massenstartrennen nehm se wegen en Verkollen nich deel. In Kontiolahti harr se sück weer verhaalt un keem in Sprint un Verfolgung up Platz een un twee.
To'n Uptakt vun de Weltmeesterschapen in Ruhpolding reck Neuner mit Andrea Henkel, Andreas Birnbacher un Arnd Peiffer den darten Platz in de Mixed-Staffel. In' Sprint wunn se mit en fehlerfree Scheeten hör elften Titel vör hör gröttste Konkurrentin um den Gesamtweltcup, de loopstark Wittrussin Darja Domratschawa. Buterdem seker se sück för de Tiet den Sprintweltcup un hett mit hör sössten Eenzeltitel to de bitlang führen ehmalgen Sportlerinnen Magdalena Forsberg as ok Liv Grete Poirée auf. An den folgen Dag belegg se in de Verfolgung den tweeten Platz achter Domratschawa, nahdem se bit to'n tweeten stahn Anslag noch führt harr. De dree letzt Wettkämpe weern kenntekent vun schlecht Scheetleistungen. Mit hör schlechst Resultat bi Weltmeesterschapen – Rang 23 in' Einzel – hett Neuner dat nich schafft, in hör Loopbahn ok in disse Disziplin en Medaille to halen. An de Siet vun hör Teamkolleginnen Tina Bachmann, Miriam Gössner un Andrea Henkel hett se sück mit de Staffel aber weer de Goldmedaille haalt. Mit hör twalften Titel truck se in de geslechterövergriepen Bestenlist as alleenig düütsch Rekordhollerin bi Weltmeesterschapen vörbi an Frank Luck up Platz twee achter Ole Einar Bjørndalen. In den afsluuten Massenstart reck dat nah söss Scheetfehlern blots to Platz 10.[38]
Bi dat Weltcupfinale in Chanty-Mansijsk hett Neuner weer twee Scheetfehler in' Sprint harrt, aber mit hör goot Loopform de Konkurrenz up Afstand hollen. Mit den all tosommen teihnten Eenzelerfolg in de Saison un den achten Sieg in dat teihnte Rennen in disse Disziplin wunn se de togehörig Wertung mit grooten Vörsprung. An den nächsten Dag reck de veerte Platz in de Verfolgung to'n darten Gesamtweltcupsieg. Bi den letzten Wettkamp in Hör Karriere an' 18. März 2012 belegg se in' Massenstart mit söss Scheetfehlern den sössten Platz.
Nah den Rückträe vun den aktiven Leistungssport[ännern | Bornkood ännern]
![](http://upload.wikimedia.org/wikipedia/commons/thumb/5/5f/Magdalena_Neuner_Panoramaweg_2013_%282%29-retouched.jpg/170px-Magdalena_Neuner_Panoramaweg_2013_%282%29-retouched.jpg)
In’ Mai 2012 hett Neuner in Oberhof de Afslussprüfung för de C-Trainerlizenz bestahn.[39] En Rückkehr in den professionellen Biathlonsport as Aktive oder Bundstrainerin hett se mehrfack utslooten.[40][41]
Soziales Engagement[ännern | Bornkood ännern]
Siet 2008 sett sück Neuner för de Stiftung Deutsche Schlaganfall-Hilfe in.[42] Dorto kommen noch eenig annere Insätze.
Utteknungen un Ehrungen[ännern | Bornkood ännern]
![](http://upload.wikimedia.org/wikipedia/commons/thumb/4/41/Neuner_Sportswoman_of_the_Year_Award_2007.jpg/130px-Neuner_Sportswoman_of_the_Year_Award_2007.jpg)
![](http://upload.wikimedia.org/wikipedia/commons/thumb/1/11/Neuner_Fair_Play_Medal_2010.jpg/220px-Neuner_Fair_Play_Medal_2010.jpg)
![](http://upload.wikimedia.org/wikipedia/commons/thumb/8/82/Magdalena-Neuner-Panoramaweg_2013.jpg/220px-Magdalena-Neuner-Panoramaweg_2013.jpg)
För hör sportlich Leistungen ist Magdalena Neuner mehrfack uttekent wurrn. So kreeg se 2007 den „Goldenen Ski“ vun den Düütschen Skiverband und wurr in dat glieker Johr ok Sportlerin vun dat Johr. Letzteres hett se 2011 un 2012 nochmal schafft. 2017 wurr se in de Hall of Fame vun den Düütschen Sport upnommen.
Literatur[ännern | Bornkood ännern]
Eegen Warken[ännern | Bornkood ännern]
- Magdalena Neuner, Nicolas Olonetzky: Sieger-Maschen. Stricken mit Magdalena Neuner. 1. Uplaag. Frechverlag, Stuttgart 2010, ISBN 978-3-7724-6730-1 (144 Sieden).
- Magdalena Neuner: Strickfilzen mit Magdalena Neuner. 1. Uplaag. Frechverlag, Stuttgart 2011, ISBN 978-3-7724-6754-7 (96 Sieden).
- DVD: Fit mit Magdalena Neuner – Cardio-Power & Bodyshaping mit Fun Faktor, WVG Medien, Februar 2013, 110 Minüüt, Bildseitenformat 1.77:1 (16:9), Spraak Deutsch (Dolby Digital 2.0 und 5.1)
- DVD: Fit für den Wintersport. Mit Magdalena Neuner und Felix Neureuther, UPMC, November 2013, 70 + 15 Minüüt
- CD: Stoaberg musi trifft Magdalena Neuner, Dezember 2013, 14 Titel, ca. 33 Minüüt Speeltied
Biografien[ännern | Bornkood ännern]
- Florian Kinast, Patrick Reichelt: Danke Lena. Die Traumkarriere der Magdalena Neuner. 1. Auflage. Copress Sport Verlag, München 2012, ISBN 978-3-7679-1149-9 (208 Seiten).
Artikel[ännern | Bornkood ännern]
- Klaus Blume: Fräulein Neuner und das erstaunliche Gespür für Schnee. In: Kicker-Sportmagazin, 7. Dezember 2006
- Roland Wiedemann: Magdalena Neuner, Biathlon-Star und Profi-Strickerin. In: Spiegel Online, 30. November 2007
- Detlef Hacke: Lenas heile Welt. In: Spiegel Online, 2. Februar 2008
- Volker Kreisl: Magdalena Neuners Karriereende. In: Süddeutsche Zeitung, 24. Dezember 2011
Weblenken[ännern | Bornkood ännern]
- Offizielle Webpräsenz
- Indrag bi de IBU (engelsch)
- Indrag in de Datenbank vun Sportsreference.com (engelsch)
- Magdalena Neuner in de Webpräsenz vun Wallgau
Enkeld Nahwiesen[ännern | Bornkood ännern]
- ↑ Florian Kinast, Patrick Reichelt: Danke Lena. Die Traumkarriere der Magdalena Neuner, 2012, Siet 28
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Sieden 25–27
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Siet 39}}
- ↑ Christian Tretbar: Mit Musik zum Sieg. In: Tagesspiegel, 24. Dezember 2007
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Siet 32
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Siet 32
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Siet 35}
- ↑ Stefan Dorner: Gold-Lena und ihr Seppi: Bayerns schönstes Liebespaar. In: Münchner Merkur, 3. März 2010
- ↑ Deutsche Presse-Agentur: Biathlonstar Neuner heiratet ihren Sandkastenfreund. In: WELT ONLINE, 30. März 2014
- ↑ http://www.merkur-online.de/lokales/garmisch-partenkirchen/landkreis/magdalena-bringt-vreni-welt-3600258.html, Magdalena Neuner bringt Tochter zur Welt, Herutgever: Münchener Zeitungs-Verlag, merkur-online.de, van' 1. Juni 2014, afropen an' 1. Juni 2014
- ↑ 16 Johr later keemen offiziell all tosommen 218.000 Tokiekers to de Weltmeesterschapen 2012 an den sülvigen Utdragensoort.
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Siet 37
- ↑ http://www.zoll.de/DE/Der-Zoll/Zollskiteam/Unser-Team/Biathlon/Magdalena-Neuner/magdalena-neuner_node.html, Magdalena Neuner, Herutgever: Bundesministerium der Finanzen, Zoll online, afropen an' 17. April 2012
- ↑ Schäuble verabschiedet Neuner aus dem Staatsdienst. In: WELT ONLINE, 18. August 2012
- ↑ http://www.bsv-ski.de/31-e_15833,r_1161.htm, Deutschlandpokal Martell vun Ulli Spengler, Herutgever Bayerischer Skiverband, bsv-ski.de, van' 28. Dezember 2003, afropen an' 13. Juli 2009
- ↑ Florian Kinast, Patrick Reichelt, Danke Lena. Die Traumkarriere der Magdalena Neuner, 2012, Sieden 45–46
- ↑ a b Helen Ruwald: Eine selbst gestrickte Karriere. In: Tagesspiegel, 25. November 2007
- ↑ http://services.biathlonresults.com/Schedule.aspx, IBU DATACENTER / Schedule, PDF Files: Competition Analysis, Herutgever IBU International Biathlon Union, biathlonworld.com, engelsch, afropen an' 13. Juli 2009
- ↑ Uwe Jentzsch, dpa: Henkel und Greis verteidigen „Gelb“. In: Tagesspiegel, 7. Januar 2007
- ↑ http://www.kicker.de/news/mehrsport/wintersport/startseite/artikel/374839/ , „Mit dem Schießen müsste es gehen“, Herutgever: Olympia-Verlag, kicker-online van' 7. Februar 2008, afropen an' 13. Juli 2009
- ↑ http://www.biathlon2b.com/396-sieg-fuer-sandrine-bailly-in-der-verfolgung.html, Sieg für Sandrine Bailly in der Verfolgung vun Kathleen Lindau, Herutgever: XNX, biathlon2b.com van' 1. März 2008, afropen an' 3. Juni 2010
- ↑ http://www.focus.de/sport/wintersport/biathlon-magdalena-neuners-zwangspause-ist-vorbei_aid_349674.html, Magdalena Neuners Zwangspause ist vorbei, Sport-Informations-Dienst, Herutgever: TOMORROW FOCUS Portal, FOCUS Online, van' 19. November 2008, afropen an' 13. Juli 2009
- ↑ http://www.abendzeitung-muenchen.de/inhalt.wintersport-biathlon-star-neuner:-meine-seele-hat-gelitten.1241ce2a-1811-45ff-8961-dc700571b9c7.html, Biathlon-Star Neuner: „Meine Seele hat gelitten“, Florian Kinast, Herutgever: Verlag DIE ABENDZEITUNG, ABENDZEITUNG München Online van' 27. Februar 2009, afropen an' 13. April 2012
- ↑ http://www.focus.de/sport/mehrsport/biathlon-auszeit-fuer-neuner-bei-biathlon-wm_aid_371649.htm, Auszeit für Neuner bei Biathlon-WM, Deutsche Presse-Agentur, Herutgever: TOMORROW FOCUS Portal, FOCUS Online van' 16. Februar 2009, afropen an' 13. Juli 2009
- ↑ http://www.focus.de/sport/wintersport/biathlon-ohne-neuner-in-den-ersten-weltcup_aid_459375.html, Ohne Neuner in den ersten Weltcup, Sport-Informations-Dienst, Herutgever:TOMORROW FOCUS Portal, FOCUS Online van' 2. Dezember 2009, afropen an' 20. Dezember 2009
- ↑ [1] Neuner sagt für den Oberhofer Massenstart ab, Sport-Informations-Dienst, Herutgever TOMORROW FOCUS Portal, FOCUS Online van' 9. Januar 2010, afropen an' 24. Januar 2010
- ↑ http://www.sueddeutsche.de/sport/198/503421/text/ , Neuner gewinnt Gold, Sport-Informations-Dienst|, sueddeutsche.de van' 16. Februar 2010, afropen an' 20. Februar 2010}
- ↑ Neuner verzichtet nach zweitem Gold auf Staffelstart. In: Spiegel Online – Sport, 22. Februar 2010
- ↑ http://www.rp-online.de/sport/wintersport/ski_nordisch/Behle-rechnet-mit-den-Frauen-ab_aid_802428.html, Behle rechnet mit den Frauen ab, Sport-Informations-Dienst, Herutgever RP ONLINE van' 4. Januar 2010, afropen an' 24. Januar 2010
- ↑ http://www.focus.de/sport/wintersport/langlauf-behle-kann-sich-neuner-bei-olympia-vorstellen_aid_453618.html, Behle kann sich Neuner bei Olympia vorstellen, Sport-Informations-Dienst, Herutgever: TOMORROW FOCUS Portal, FOCUS Online, van' 12. November 2009, afropen an' 24. Januar 2010
- ↑ Neuner gewinnt Gesamtweltcup zum zweiten Mal. In: WELT ONLINE, 27. März 2010
- ↑ http://www.abendzeitung-muenchen.de/inhalt.mehr-sport-keine-freifahrt-fuer-gold-lena.6882b499-7401-4b6d-abe5-20b0369519d0.html, Keine Freifahrt für Gold-Lena, Sport-Informations-Dienst, Herutgever: Verlag DIE ABENDZEITUNG, ABENDZEITUNG München Online, van' 18. Oktober 2010, afropen an' 8. Oktober 2011
- ↑ http://www.focus.de/sport/wintersport/biathlon-kranke-neuner-fehlt-wieder-beim-weltcup-auftakt_aid_575968.html, Kranke Neuner fehlt wieder beim Weltcup-Auftakt, Sport-Informations-Dienst, Herutgever: TOMORROW FOCUS Portal, FOCUS Online, van' 26. November 20100, afropen an' 13. Dezember 2010
- ↑ http://www.focus.de/sport/wintersport/biathlon-neuner-gewinnt-neuntes-wm-gold-im-massenstart_aid_607854.html, Neuner gewinnt neuntes WM-Gold im Massenstart, Sport-Informations-Dienst|, Herutgever TOMORROW FOCUS Portal|, FOCUS Online van 12. März 2011, afropen an' 12. März 2011
- ↑ http://www.zeit.de/sport-newsticker/2011/3/13/0d8326493add782c22c1ebd15905d95631xml, Sport News Neuner erfolgreichste Biathletin der WM-Geschichte, Sport-Informations-Dienst, Herutgever: ZEIT Online up zeit.de van' 13. März 2011, afropen an' 17. März 2011
- ↑ http://www.focus.de/sport/wintersport/biathlon/biathlon-weltcup-super-auftakt-fuer-magdalena-neuner_aid_690737.html, Super Auftakt für Magdalena Neuner, Deutsche Presse-Agentur, Herutgever: TOMORROW FOCUS Portal, FOCUS Online van' 4. Dezember 2011, afropen an den sülvigen Dag
- ↑ http://www.magdalena-neuner.de/cms/website.php?id=/de/news/news/news_061211.htm%7C, Nach dieser Saison ist Schluss!, Herutgever: Triceps, magdalena-neuner.de, afropen an' 6. Dezember 2011
- ↑ http://www.faz.net/aktuell/sport/mehr-sport/biathlon-wm-sechs-medaillen-vor-dem-rueckzug-ins-beschauliche-11667248.html, Sechs Medaillen vor dem Rückzug ins Beschauliche vun Claus Dieterle, Herutgever: Frankfurter Allgemeine Zeitung, FAZ.NET van' 29. Februar 2012, afropen an' 17. März 2012
- ↑ http://www.merkur-online.de/sport/wintersport/magdalena-neuner-erst-trainerschein-dann-olympia-reporterin-2321845.htm, Jede Menge Arbeit für Magdalena Neuner, Sport-Informations-Dienst, Herutgever Münchener Zeitungs-Verlag, merkur-online.de, van’ 17. Mai 2012, afropen an’ 22. April 2015
- ↑ Sport-Informations-Dienst: Neuner genießt ihren Alltag: „Lebt sich sehr gut“. In: Focus, 31. Oktober 2012
- ↑ Deutsche Presse-Agentur: „Nicht für 50 Millionen Euro“. In: Spiegel Online, 26. Dezember 2012
- ↑ http://www.schlaganfall-hilfe.de/prominente-stimmen, Magdalena Neuner / Prominente Stimmen, Herutgever Stiftung Deutsche Schlaganfall-Hilfe, afropen an’ 20. Oktober 2009